Kryetari i Komunës së Drenasit, Ramiz Lladrovci, ka thënë se situata në komunë vazhdon të jetë sfiduese, ndërsa ekipet komunale janë vazhdimisht në terren.
Ai ka bërë të ditur se Presidentja e vendit ka ofruar mbështetje, duke përfshirë edhe mundësinë e angazhimit të Forcës së Sigurisë së Kosovës.
“Presidentja na ka ofruar ndihmë, madje edhe shfrytëzimin e forcave të FSK-së. Unë dje kam qenë në terren, edhe sot. Tash sapo erdha për të ngrënë diçka”, ka thënë Lladrovci për Insajderin.
Sipas tij, deri tani nuk është raportuar për persona të lënduar, ndërsa rreth 20 familje janë evakuuar si masë sigurie.
Lladrovci theksoi se institucionet lokale janë në gatishmëri dhe po bashkërendojnë veprimet me autoritetet qendrore për menaxhimin e situatës.
