Ministri i Politikës Sociale, Demografisë dhe Rinisë, FatmirLimani, ka sqaruar raportet e tij politike dhe institucionale gjatë një interviste për emisionin “Dialog” në Lajm TV.
“Nder e respekt pa fund për Bilall Kasamin. Dua të sqaroj se unë i raportoj Bilall Kasamit, që të mos ketë keqkuptime në raport me shikuesit dhe hamendjet e shumta që qarkullojnë. Ndërkohë, raportimi im ndaj kryeministrit lidhet vetëm me ministrinë që drejtoj”, deklaroi Limani.
Ai shtoi se detyra e tij si ministër është të realizojë një program politik të përcaktuar nga kryesia e ngushtë e Lëvizjes BESA, ku përfshihet edhe platforma e koalicionit VLEN.
