Aleksandar Vuçiçit, Presidentit të Serbisë, nuk i pëlqen kur Serbia i luan ndeshjet në Beograd. Prandaj, ndaj Shqipërisë me shumë mundësi do të luhet në Leskovac.
Edhe pse stadiumi “Rajko Mitiç” ishte i mbushur plot për ndeshjen midis Serbisë dhe Anglisë, Vuçiçit nuk i pëlqeu ajo që dëgjoi nga tribunat.
Serbia u mund 5-0 në Beograd dhe tifozët protestuan kundër Vuçiçit dhe qeverisë aktuale.=
“Isha në ndeshjen në Beograd kundër Anglisë në vitin 1987, kur humbëm 4-1. Trajneri ishte Ivica Osim. As atëherë nuk e mbështetëm ekipin. Beogradi nuk e kuptoi kurrë se çfarë ishte një ekip kombëtar”, tha Vuçiç në një kanal televiziv, shkruan A2.
Vuçiç kritikoi edhe Sekretarin e Përgjithshëm të Federatës së Futbollit të Serbisë.
“E pyeta Branko Radujkon: ‘Pse e ndryshuat Leskovacin?’ Ai nuk mundi ta duronte presionin nga Ambasada Britanike. Zvicra dhe Danimarka erdhën në Leskovac, ata mund të luajnë atje, por anglezët jo”, shtoi Vuçiç.
“Tani do të luajmë kundër Shqipërisë në Leskovac. Dhe sigurisht që do të jetë atmosfera më e mirë e mundshme. Dhe ndoshta do të humbasim, ndoshta do të fitojmë, por do të jetë atmosfera më e mirë e mundshme. Nëse UEFA e FIFA na lejojnë të kemi tifozë, do të ketë një atmosferë të mrekullueshme në Leskovac, të paktën njerëzit do të mbështesin Serbinë. Me gjithë forcën e tyre, me gjithë zemrën e tyre. Leskovaci është fortesa jonë”, përfundoi Vuçiç.
