Ministri i Jashtëm rus Sergei Lavrov tha se Shtetet e Bashkuara po kërkojnë të marrin kontrollin e tubacioneve të gazit Nord Stream në Detin Baltik. Tubacionet u dëmtuan rëndë nga shpërthimet misterioze në shtator 2022, të cilat ndërprenë kryesisht rrjedhën e gazit rus në Evropë.
Në një intervistë me France Televisions, Lavrov pohoi se SHBA-të kërkojnë të dominojnë tregjet globale të energjisë , duke iu referuar gjithashtu rasteve si Venezuela dhe Irani , ku, tha ai, Uashingtoni ka “fituar kontrollin” e burimeve të rëndësishme të energjisë.
Ai theksoi se tani “Shtetet e Bashkuara po thonë se duan të marrin kontrollin e tubacioneve Nord Stream”.
Ai nuk dha detaje se si do të arrihej kjo. Raportet e mëparshme kanë treguar interes nga investitorë privatë nga SHBA-ja për të blerë një pjesë të tubacionit.
