Armando Broja shumë shpejt mund të rikthehet në fushën e blerrtë. Këtë e ka konfirmuar vetë trajneri i Evertonit Sean Dysche.
Ai dekalroi se Broja do t’i bashkohet skuadrës së parë javën e ardhshme, por do i duhet të presë edhe pak për të bërë debutimin e tij.
“Broja po punon shumë për tu rikthyer. Të dhënat janë të mirë, por nuk është ende me ekipin e parë. Kalimi do të ndodhë, ndoshta nga java e ardhshme, ku do të fillojë me gjërat e lehta si nxehjet, lojërat për zotërimin e topit, dhe kjo ndërton rrugëtimin e të luajturit sërish. Broja është jashtë prej shumë kohësh dhe i duhen disa ndeshje për të marrë formën më të mirë”, deklaroi Dysche.
Kujtojmë që Broja nuk luan që nga miqësoret e verës kur ishte ende me bluzën e Chelsea. Sulmuesi me shumë mundësi do të mungojë edhe për dy ndeshjet e radhës të Shqipërisë në Ligën e Kombeve, ndaj Çekisë dhe Ukrainës.
