Atletico Madrid regjistron fitoren e dytë radhazi në kampionatin spanjoll të futbollit. Skuadra e drejtuar nga nga Diego Pablo Simeone iu imponua Gironës në transfertë duke e mundur me rezultatin e pastër 3-0.
Atletico Madrid i mjaftuan vetëm 13 minuta lojë për të marrë avantazhin me një gol kryevepër të Koke me kapitenin që shënoi me një gjuajtje nga një distancë shumë e largët duke shënuar golin e tij të 50 me fanelën e Los Colchoneros. Por në minutën e 28 Simeone humbi shërbimin e Nico Gonzales që pësoi një dëmtim muskular duke lënë fushën e lojës dhe në vend të tij hyri Gallagher. Megjithatë kjo nuk e pengoi Atletico Madrid që të shënonte edhe golin e dytë pikërisht me Gallagher pas një asisti të Julian Alvarez
Në pjesën e dytë, në minutat e fundit, Simeone hodhi në fushën e lojës edhe Raspadorin i cili realizoi një shkëmbim me Griezmann duke ndihmuar francezin të shënojë golin e tretë për Atletico Madrid në minutën e 92 dhe me rezultatin 3-0 u mbyll kjo ndeshje me Atletico që shkon në kuotën e 37 pikëve, ndërsa Girona mbetet me 15 pikë në vendin e 18, në zonën e rënies nga kategoria.
