Kuvendi i Kosovës miratoi rezolutën për ish-krerët e Ushtrisë Çlirimtare të Kosovës. Rezoluta mori 90 vota pro dhe vetëm një kundër.
Ajo kërkon angazhim dhe respektim të ligjit dhe të drejtës ndërkombëtare nga Dhomat e Specializuara të Kosovës dhe Zyra e Prokurorit të Specializuar.
Lidhja Demokratike e Kosovës ishte pro rezolutën, por kërkoi që të futet edhe pika për drejtësi për vrasjet politike.
Ndërsa, Përparim Gruda tha se teksti është hartuar nga një grup ekspertesh, duke thënë se nuk mund të ndryshohet.
Ndërkohë edhe Kuvendi i Shqipërisë miratoi sot një rezolutë të ngjashme. Ajo mori 92 vota pro ku shpaloset kundërshtia për akuzat ndaj ish-krerëve të UÇK-së dhe përbaltjes që po i bëhet imazhit të tyre dhe të Kosovës.
Kujtojmë se Prokuroria ka kërkuar 45 vjet për secilin, 180 në total, për Hashim Thaçin, Kadri Veselin, Jakup Krasniqin dhe Rexhep Selimin për 10 pikat e Aktakuzës duke mos hequr dorë nga asnjëra prej tyre pas gati 3 vitesh gjykim.
