Kuvendi konstatoi dorëheqjen e kryeprokurorit Lubço Kovevski, përcjell TV21. Kryetari i Kuvendit, Afrim Gashi, sot para fillimit të seancës së 76-të informoi Kuvendin se prokurori Kocevski, i ka dorëzuar organit legjislativ kërkesën për t’i dhënë fund funksionit të tij. Sipas kësaj kërkese, çështja e shkarkimit në Kuvend, siç tha ai, respektivisht diskutimi për shkarkimin e tij do të ishte i panevojshëm, ndaj pika përkatëse e rendit të ditës nuk do të shqyrtohet.
Më herët sot, në një deklaratë për mediat, Kocevski njoftoi se ka dhënë dorëheqje të parevokueshme nga funksioni i tij.
Në dokumentin e qeverisë drejtuar Kuvendit për shkarkimin e Kocevskit, ai akuzohet për afera, punë joprofesionale, paaftësi. Në dokument theksohet se ai kishte gabime të mëdha profesionale gjatë drejtimit të Prokurorisë Publike, gjegjësisht dorëheqja kërkohej për shkak të dhënies së paautorizuar të informacionit dhe të dhënave mbi çështjet gjyqësore, duke shkelur kështu detyrimin për mbrojtjen e sekretit në procedurë, të parashikuar me ligj, dëmtimit të reputacionit të Prokurorisë Publike dhe të reputacionit të tij personal në tërësi, për shkak se nuk ka vepruar në përputhje me detyrimet e parashikuara në Kushtetutë, ligje dhe marrëveshje ndërkombëtare të ratifikuara sipas Kushtetutës.
