Kuvendi sot në seancën e 90-të duhet të vendosë për zgjedhjen e zëvendësministrave të rinj të Mbrojtjes dhe të Arsimit dhe Shkencës.
Propozimi për zëvendësministër të Mbrojtjes është Admir Shabani, ish-zëdhënës i Komisionit Shtetëror të Zgjedhjeve, ndërsa për zëvendësministër të Arsimit dhe Shkencës është Driton Sulejmani, ish-këshilltar në Komunën e Kumanovës dhe zëdhënës i VLEN.
Në rendin e ditës të seancës është edhe Propozim-ligji për ndryshimin dhe plotësimin e Ligjit për ndërtim, me procedurë të shkurtuar. Sipas shpjegimit, me ndryshimet duhet të mundësohet përditësimi i pamjes së përgjithshme në Kadastrën e pasurisë së patundshme dhe infrastrukturës i vendndodhjes së rrjeteve dhe aseteve ekzistuese të komunikimit elektronik, me qëllim që të sigurohet mirëmbajtja e tyre më efikase, më e lehtë dhe më e shpejtë.
Kjo gjithashtu do të parandalonte shfaqjen e mundshme të dëmeve të padëshiruara nëse në të ardhmen do të ketë nevojë të ndërtohet ose të instalohet një objekt ose pajisje tjetër në ato vende ku tashmë janë instaluar rrjetet dhe asetet e komunikimit elektronik.
