Drejtori Gjeneral i Postës, Orhan Kurtishi, ka shënuar sot një vit nga marrja e detyrës, duke prezantuar arritjet e institucionit gjatë 12 muajve të fundit. Ai tha se ky ka qenë një vit i mbushur me punë, përkushtim dhe vendime të vështira, me synimin kryesor për ta nxjerrë Postën nga kriza dhe për ta kthyer në një shërbim publik dinjitoz për qytetarët.
Ndër rezultatet kryesore të arritura gjatë vitit, Kurtishi përmendi hartimin e planit emergjent për ristrukturimin e Postës, shlyerjen e kredisë prej 2.5 milionë euro ndaj Halk Bank, pagesën e rrogave çdo muaj me kohë dhe pa vonesa, rritjen e pagave për të gjithë punonjësi, shlyerjen e borxheve të vjetra të mbledhura ndër vite, sistemim të ri të vendeve të punës, punësimin e 150 personave të rinj, porositjen e 100 veturave të reja për shërbimin postar, hartimin e planit për blerjen e makinës së sortimit, fillimin e rikonstruksionit të Postës në Kumanovë, nënshkrimin e disa marrëveshjeve për dërgesa ndërkombëtare.
“Asnjë premtim bosh, vetëm punë konkrete dhe shërbim publik me dinjitet! Vazhdojmë me zemër, përgjegjësi dhe vizion”, shkruan Kurtishi në Facebook.
https://www.facebook.com/share/p/1AuBwPLVAw/
