Qytetarët e Kosovës dhe Maqedonisë së Veriut kanë shprehur kënaqësi të madhe pas vendimit të përbashkët të qeverive të dy vendeve për funksionalizimin e pikës kufitare “One Stop Shop”, e cila u lëshua dje në përdorim nga zyrtarë të lartë të të dy qeverive.
Pas hapjes zyrtare, rrjetet sociale janë mbushur me fotografi dhe video që dëshmojnë ndryshimet pozitive në kufi. Pamjet tregojnë kalimin e lirshëm të automjeteve, pa pritjet dhe radhët e gjata që ishin të zakonshme më parë.
Qytetarët kanë vlerësuar se pika e re ka përmirësuar ndjeshëm përvojën e tyre, duke mundësuar kalim të shpejtë dhe pa vonesa. Shumë prej tyre kanë falënderuar autoritetet për këtë lehtësi të madhe, duke e cilësuar projektin si një hap të rëndësishëm drejt bashkëpunimit më të madh ndërshtetëror.
Autoritetet e Kosovës dhe Maqedonisë së Veriut kanë theksuar se pika “One Stop Shop” do të kontribuojë në rritjen e qarkullimit të lirë të qytetarëve dhe mallrave, duke premtuar edhe projekte të tjera të përbashkëta në të ardhmen.
