Sot moti do të jetë kryesisht me vranësira dhe me reshje shiu, ndërsa në zonat malore priten reshje bore. Reshje më intensive do të ketë në pjesët juglindore të vendit, mbi 20 l/m². Si pasojë e depërtimit të një mase ajrore më të ftohtë nga veriu, gjatë ditës reshjet do të shndërrohen në borë në zonat më të larta, por edhe në disa vende më të ulëta. Do të fryjë erë e dobët deri mesatare nga drejtime të ndryshueshme.
Temperaturat minimale do të lëvizin nga 1 deri në 7 gradë Celsius, ndërsa ato maksimale nga 3 deri në 8 gradë.
Në Shkup, moti do të jetë kryesisht me vranësira dhe me reshje shiu. Temperatura minimale do të zbresë në 5 gradë, ndërsa maksimalja do të arrijë deri në 7 gradë Celsius.
Të hënën, vende-vende do të ketë kushte për reshje të dobëta shiu dhe bore. Më pas, gjatë dy ditëve në vijim, moti do të jetë pjesërisht me vranësira dhe me periudha me diell. Reshje të reja shiu, ndërsa në male bore, priten të enjten dhe të premten. Nga e marta, temperaturat ditore do të jenë në rritje.
