Me shumë kënaqësi u realizua sot takimi me Kryesinë e Odës Ekonomike të Maqedonisë Veri-Perëndimore (OEMVP), të cilët zhvilluan një vizitë urimi për Kryetarin e Komunës së Çairit, Izet Mexhiti, me rastin e marrjes së funksionit. Gjatë takimit u konfirmua vazhdimi i bashkëpunimit të deritanishëm dhe u riafirmua zotimi për forcimin e partneritetit në të ardhmen.
Në bisedë të hapur e konstruktive, u diskutuan hapat e ardhshëm, idetë e përbashkëta dhe mundësitë konkrete për të krijuar kushte më të mira për zhvillimin e bizneseve dhe sipërmarrësve në komunë. Të gjithë të pranishmit theksuan energjinë pozitive dhe vullnetin e fortë për bashkëpunim.
“Kemi vullnet të përbashkët që me OEMVP të ecim përpara me projekte të reja dhe me mbështetje edhe më të madhe për sipërmarrësit. Qëllimi ynë është që ekonomia e komunës dhe e vendit të ketë ritmin e saj të merituar dhe të krijojmë një ambient ku bizneset mund të rriten dhe të zhvillohen.”
