Bashkimi Demokratik për Integrim (BDI) ka mbajtur sot mbledhjen e Kryesisë Qendrore, gjatë së cilës janë marrë disa vendime të rëndësishme organizative dhe kadrovike.
Nënkryetarja e BDI-së, Arta Bilalli Zendeli, pas përfundimit të mbledhjes bëri të ditur se, me vendim të Kryesisë dhe në pajtim me statutin e miratuar në Kongresin e fundit të partisë, kryetari Ali Ahmeti ka realizuar disa emërime, njofton TS.
Sipas saj, Faton Ahmeti është emëruar shef i kabinetit të kryetarit të BDI-së, ndërsa Arta Bilalli Zendeli është emëruar zëdhënëse e partisë. Po ashtu, për këshilltar për marrëdhënie me Shtetet e Bashkuara të Amerikës të kryetarit të BDI-së është emëruar Seadin Beqiri.
Gjithashtu, kryetari Ahmeti ka emëruar edhe kryetarët e rinj të degëve të BDI-së në disa qytete. Për Degën e Tetovës është emëruar Bajram Regjepi, për Kumanovën Ridvan Asani, për Strugën Faton Pollozhani, për Gostivarin Valde Xhaferi, ndërsa për Degën e Çairit është emëruar Bujar Osmani.
Sipas Zendelit, këto vendime synojnë fuqizimin e strukturave partiake dhe rritjen e efikasitetit të organizimit të brendshëm të BDI-së në periudhën e ardhshme./TS
