Kryetari i Kuvendit të Republikës së Maqedonisë së Veriut, Afrim Gashi, së bashku me deputetët Bekim Sali dhe Dafina Stojanovska, vizituan sot Institutin e Transfuziologjisë, ku u pritën nga drejtori Amir Elezi dhe stafi profesional i institucionit.
Gjatë vizitës, Gashi u informua nga afër mbi punën e përditshme dhe sfidat me të cilat përballet ky institucion jetik për sistemin shëndetësor të vendit. Ai theksoi se Instituti i Transfuziologjisë ka një rol të pazëvendësueshëm në ofrimin e shërbimeve mjekësore dhe se përkushtimi i stafit nuk ka një çmim.
“Nga afër pamë përkushtimin dhe profesionalizmin e punonjësve të këtij institucioni. Diskutuam për sfidat me të cilat përballen dhe për mënyrat se si mund të përmirësojmë kushtet e punës dhe të ofrojmë mbështetjen e duhur institucionale”, deklaroi Gashi.
Ai gjithashtu vlerësoi lart punën e personelit mjekësor dhe u zotua për mbështetje konkrete në drejtim të përmirësimit të shërbimeve shëndetësore për qytetarët e vendit.
https://www.facebook.com/share/1EdbqtFhow/
