Krushopeku, i njohur për fitoret dhe qëndresën e tij, e dëshmoi edhe këtë herë mbështetjen e fuqishme për ndryshim. Banorët, me prezencë masovike, i hapën dyert e zemrat për kandidatin për kryetar të Komunës së Sarajit, Muhamed Elmazi.
Në fjalën e tij, Elmazi theksoi se zëri i Krushopekut gjithmonë është dëgjuar me forcë dhe vendosmëri, prandaj edhe meriton të marrë përgjigje konkrete për nevojat e tij.
“Ky fshat meriton rrugë më të mira, kushte dinjitoze dhe zhvillim të qëndrueshëm. Unë jam i vendosur që zëri i Krushopekut të mos mbetet në heshtje”, u shpreh Elmazi para qytetarëve.
Takimi u shënua me entuziazëm dhe pjesëmarrje të gjerë, duke treguar qartë se Krushopeku kërkon ndryshim dhe beson në vizionin e ri për Komunën e Sarajit.
