Një burrë nga Gorica e Madhe afër Zagrebit ka vrarë nënën e tij, gruan dhe në fund edhe veten.
Siç raportojnë mediat kroate, burri vrau fillimisht nënën e tij, pastaj ndoqi gruan e tij, e cila vrapoi në një dyqan aty pranë, ku edhe u qëllua nga ai dhe u vra.
Gjithçka ka ndodhur rreth orës 10 të mëngjesit të sotëm.
Qytetarët e Goricës së Madhe janë tronditur nga ky krim i frikshëm.
Ai raportohet të ketë dalë nga shtëpia zbathur dhe me të brendshme, me pushkë në dorë, ku më pas ka hyrë në dyqan pas gruas së tij, e cila po ia mbathte në panik dhe kërkonte ndihmë.
“Pastaj ai e vrau atë dhe iku. Policia e gjeti atë në shtëpinë e familjes, e cila ishte e rrethuar nga policët dhe forcat speciale, dhe kur e pa se nuk kishte rrugëdalje, vrasësi vendosi t’i merrte jetën vetes”, njofton N1 Zagreb.
Raportohet se çifti ka lënë prapa dy fëmijë, një vajzë dhe një djalë.
Motivet e këtij krimi mbesin ende të paqarta.
