Klubi i Mundjes “Liria 1977” ka arritur një sukses të jashtëzakonshëm duke u shpallur Kampion Shtetëror U20, pas një paraqitjeje dominuese në kampionatin kombëtar. Me rezultate bindëse dhe nivel të lartë gare, Liria 1977 konfirmoi traditën kampione dhe seriozitetin e punës shumëvjeçare.
Nga 10 kategori garuese, sportistët e Lirisë 1977 fituan 6 tituj kampioni, duke u renditur bindshëm në krye të tabelës së përgjithshme.
Kampionë Shtetërorë (Vendi i Parë):
Sufjan Sinani, Muhamed Veseli, Trim Ismaili, Ensar Pacolli, Omer Memedi dhe Medi Bislimi.
Vendi i Dytë:
Emir Reqica.
Vendi i Tretë:
Halit Saliu dhe Alban Hamiti.
Ky rezultat përfaqëson një krenari të madhe për klubin, qytetin dhe sportdashësit, duke dëshmuar disiplinën, përkushtimin dhe cilësinë e brezit të ri të mundësve.
Merita të veçanta i takojnë edhe stafit trajner Abaz Emini, Ramadan Shabani, Afrim Xhelili dhe Zylqefli Asani, për punën profesionale dhe përgatitjen e shkëlqyer të ekipit.
Liria 1977 vazhdon të shkruajë histori dhe të rrisë kampionë. 💪🏆
