Për shkak të reshjeve të shunta të shiut që kanë përfshirë rajonin perëndimor, përmes numrit unik për thirrje emergjente 112 është pranuar një njoftim për një rrëshqitje toke në fshatin Shipkovicë. Rrëshqitja ndodhet në zonë të banuar dhe paraqet rrezik për banorët, ku drejtpërdrejt janë të rrezikuara 4 shtëpi. Është aktivizuar Shtabi i Emergjencave i Komunës së Tetovës, ndërsa në terren kanë dalë persona nga Qendra për Menaxhim të Krizave (QMK), Drejtoria për Punë të Brendshme Tetovë dhe Inspektorati i Ndërtimit i Komunës së Tetovës.
Në këtë moment po ndërmerren masa dhe janë dhënë udhëzime për banorët vendas që të lënë vendbanimin për shkak të rrezikut nga shfaqja e rrëshqitjeve të reja.
Në territorin e Komunës së Shtipit janë regjistruar rrëshqitje gurësh në aksin rrugor Delçevë – Istibanja, ku ekipet e NP “Maqedonia Pat” intervenojnë rregullisht dhe nuk ka pengesa në trafik.
Rrëshqitjet në rrugën drejt fshatit Mo shtica në Komunën e Maqedonska Kamenicës janë pastruar nga ekipet e NP “Kamena Reka” dhe trafiku në këtë aks rrugor zhvillohet normalisht.
Drejtor QMK
Muhamed Ali
