Këshilli Gjyqësor nesër, më 3 janar, do të zgjedhë kryetarin e ri. Zgjedhja e kryetarit të ri të Këshillit vjen saktësisht një muaj, pasi Vesna Dameva dha dorëheqje nga kjo pozitë më 2 dhjetor.
Në shpjegimin e dorëheqjes së saj, Dameva tha se në periudhën e fundit janë bërë përpjekje nga politikanë të caktuar për të dëmtuar integritetin e saj personal.
Në këtë kuptim, ajo theksoi drejtpërdrejt kryeministrin, Hristijan Mickoski, dhe deputetin nga radhët e VMRO-DPMNE-së dhe anëtarin e Komitetit Ekzekutiv të VMRO-DPMNE-së, Antonio Milloshoski.
Kryeministri, Hristijan Mickoski, paraprakisht sot iu përgjigj pyetjeve të gazetarëve lidhur me shkarkimin e paralajmëruar të anëtarëve të Këshillit Gjyqësor, për çka ai tha se nuk do të pajtohej, pasi mënyra me të cilën duhet të kërkohet përgjegjësi nga anëtarët e Këshillit është antikushtetues dhe i paligjshëm, siç pohojnë disa ekspertë.
