Bashkimi i VLEN-it në një subjekt është një proces, ashtu siç ishte proces formimi i VLEN-it, tha lideri i Lëvizjes Besa dhe një nga liderët e VLEN-it, Bilall Kasami, në intervistën e lajmeve në Alsat.
“Jemi në një proces për të shkuar një hap mëtutje, drejt integrimit në një subjekt politik”, tha Kasami.
Lidhur me atë se kush do të zgjidhet kryetar i këtij subjekti, Kasami tha se secili lider i partive përbërëse të VLEN-it është kandidat për të qenë lider i VLEN-it.
“Janë dy modele kryesore të cilat janë duke u diskutuar: presidencë me një lider që kalon me rotacion mes 4 partive aktuale dhe modeli i dytë dy bashkëkryetarë”, njoftoi Kasami.
Ai tha se këto procese duan kohë dhe maturi, me qëllim që çfarëdo zgjidhje të jetë e qëndrueshme.
