Kryetari i Komunës së Tetovës Bilall Kasami, së bashku me bartësin e listës për këshilltarë komunal, Albi Qamili, dhe ministrin e Ekonomisë, Besar Durmishi, zhvilluan një takim me banorët e fshatit Gajre, në vazhdën e vizitave që i realizojnë me qytetarët.
Gjatë këtij takimi, siç u tha, u bisedua për problemet e përditshme të banorëve, si dhe për vizionin e ardhshëm për zhvillimin e Tetovës. Kasami theksoi se Malësia e Tetovës gjithmonë ka qenë simbol i forcës dhe qëndrueshmërisë, cilësi që do të udhëheqin edhe kapitullin e ri të qeverisjes lokale.
“Me 19 tetor është dita jonë. Bashkë, si një familje, do ta nisim kapitullin e dytë për Tetovën, që ta bëjmë më të fortë dhe më krenare,” shkruan Kasami në Facebook.
