Kryetari i Komunës së Tetovës, Bilall Kasami, sot zhvilloi një takim me bartësin e listës Albi Qamili dhe të gjithë kandidatët për këshilltarë komunal të Koalicionit VLEN në Tetovë.
Në këtë takim u theksua se lista e kandidatëve të VLEN është listë e rinisë, e shpresës dhe e qytetarëve, një ekip që mban në duar të sigurta të ardhmen e Tetovës. Kryetari Kasami theksoi se me këtë ekip do të vazhdohet procesi i ndryshimit, deri sa Tetova të jetë një nga qytetet më të zhvilluara në vend dhe rajon.
Ai falënderoi kandidatët për energjinë dhe gatishmërinë e tyre për të kontribuar në zhvillimin e qytetit, duke theksuar se rrugëtimi I përbashkët do të hapë dyert e çdo institucioni për rininë, për një të ardhme më të suksesshme dhe për projekte transformuese për Tetovën.
“Me një rini të shëndoshë, sukseset janë të sigurta. Ja VLEN!”, shkruan Kasami nē Facebook.
