Kryetari i Komunës së Tetovës, Bilall Kasami, ka pritur në ambientet e komunës Ambasadorin e Turqisë në Maqedoninë e Veriut, Fatih Ulusoy.
Në fokus të takimit ishin projektet zhvillimore që pritet të sjellin përfitime konkrete për qytetarët e Tetovës, bashkëpunimet kulturore dhe investimet strategjike që do të forcojnë lidhjet mes komunës dhe Republikës së Turqisë.
“Diskutuam mbi projektet zhvillimore që mund të sjellin përfitime konkrete për qytetarët tanë, bashkëpunime kulturore dhe investime strategjike që forcojnë lidhjet mes Tetovës dhe Turqisë”, tha Kasami.
Takimi u vlerësua si frytdhënës dhe një hap i rëndësishëm drejt të partneritetit mes Komunës së Tetovës dhe ambasadës turke.
