Kafja e zakonshme me banorët e lagjes Teqe u shndërrua në një tubim të vërtetë përkrahjeje ndaj kryetarit të Tetovës, Bilall Kasami, i cili njëkohësisht është kandidat për edhe një mandat në krye të komunës.
Qytetarët shprehën kënaqësi me qeverisjen e tij , duke theksuar se rezultatet konkrete i kanë bindur për ta mbështetur edhe në mandatin e ardhshëm.
Kasami i njoftoi banorët me projektet e reja që do të realizohen falë qeverisë VLEN: ndërtimin e pishinës së mbyllur pranë SH.F. “Naim Frashëri”, rikonstruimin e rrugës lokale “Prespanska”, rrugës 108, rrugës 113, si dhe bekatonizimin e rrugës ndërmjet “Vero Jumbo” dhe shkollës.
“Kapitullli i dytë i Tetovës është për t’i dhënë hov zhvillimit. 2025 – 2029!”, u shpreh kryetari Kasami, duke marrë duartrokitje nga qytetarët e pranishëm.
