Jonida Vokshi, moderatorja e formatit Big Brother VIP Kosova 4, ka shfrytëzuar Instagramin për të dhënë detaje mbi edicionin e këtij sezoni, si dhe për të hedhur poshtë thashethemet personale.
Përmes një sesioni pyetje-përgjigjesh me ndjekësit e saj, Jonida ka zbuluar sa opinionistë do të ketë këtë sezon, i cili pritet të nisë më 17 Nëntor.
E pyetur nga një ndjekës: “Tregona veq sa opinionistë kanë me kan kurgjo ma shum 2 apo 3”, moderatorja ka konfirmuar në mënyrë indirekte se numri do të jetë i njëjti si çdo sezon.
Në imazh shfaqet qartë numri i shkruar madh: “Dy”.
Kjo lë të kuptohet se edhe këtë sezon, BBVK do të ketë dy opinionistë që do të shoqërojnë Alaudinin dhe Jonidin gjatë Prime-ve live, duke ndjekur formatin e edicioneve të kaluara të Big Brother VIP.
Mirëpo pyetjet nuk u ndalën me kaq!
Një pyetje tjetër nga ndjekësit ishte shumë personale: “A je shtatzënë?”
Jonida Vokshi ka zgjedhur të përgjigjet me humor dhe në mënyrë të drejtpërdrejtë, duke hedhur poshtë thashethemet. Ajo ka shkruar:
“Pse nuk më thoni më mirë: pse je shëndoshur”.
Kjo përgjigje i referohet faktit se ndoshta ndjekësit e saj kanë vënë re shtim në peshë dhe e kanë lidhur këtë menjëherë me një shtatzani të mundshme.
Jonida konfirmoi se bëhet fjalë për shtim në peshë dhe jo për shtatzani, duke i dhënë fund spekulimeve pak ditë para nisjes së BBVK.
Prezantuesja e BBVK tregoi poashtu se nuk do ndryshojnë ditët e spektaklit (Hënë/Premte) dhe për audiencën në Shqipëri, formati do transmetohet në dy platformat, Digitalb dhe Tring. /Prive By Liberta Spahiu
