Muamer Seferi ka njoftuar se sot ka marrë zyrtarisht detyrën si ushtrues detyre Drejtor i Ndërmarrjes Publike “Parqe dhe Gjelbërime”.
Në një postim në Facebook, Seferi thekson se kjo detyrë përfaqëson një besim të madh dhe një obligim serioz për të punuar me përkushtim, transparencë dhe profesionalizëm në shërbim të qytetarëve dhe interesit publik.
Ai ka shprehur mirënjohje të veçantë për Kryetarin e Lëvizjes BESA, Bilall Kasami, si dhe për krerët e koalicionit VLEN, për besimin e dhënë, duke falënderuar njëkohësisht edhe strukturat dhe aktivistët e VLEN-it për mbështetjen dhe bashkëpunimin korrekt.
Seferi shprehet i bindur se përmes punës së ndershme, menaxhimit efikas dhe bashkëpunimit institucional, do të arrihen rezultate konkrete në përmirësimin e hapësirave të gjelbra dhe shërbimeve publike, në interes të qytetarëve.
