Pas largimit të Lulzim Aliut nga posti i zëvendësministrit të Arsimit dhe Shkencës nga radhët e koalicionit VLEN, në opinion kanë nisur të qarkullojnë disa emra si kandidatë të mundshëm për këtë funksion.
Burime jozyrtare bëjnë të ditur se një nga emrat më seriozë që po përmendet është ai i Abaz Fetishit, zyrtar i lartë në Ministrinë e Arsimit, me përvojë të gjatë profesionale në administratën shtetërore dhe në sektorin e arsimit.
Sipas informatave, Fetishi gëzon reputacion si kuadër profesional dhe teknik, ndërsa përzgjedhja e tij shihet si përpjekje për të sjellë stabilitet institucional dhe vazhdimësi në politikat arsimore.
Nga VLEN ende nuk ka konfirmim zyrtar lidhur me emrin e kandidatit, ndërsa pritet që vendimi final të bëhet publik në ditët në vijim.
