Prof. D-r. Katerina Boshkovska në një prononcim për TV21 pranoi se do të jetë drejtoreshë e re e Klinikës për Sëmundje të Fëmijëve “Kozle, shkruan TV21. Boshkovska tha se lajmin e ka marrë gjatë ditës së djeshme, ndërkaq sot pritet të përfundojnë procedurat administrative në Arkivin e këtij institucioni.
Në lidhje me: Do të shkarkohet drejtoresha e Klinikës “Kozle”, Karolina Simonovska?
“Ky funksion për mua është një sfidë e madhe, por shpresoj që unë jo vetëm, me ndihmën e kolegëve dhe bashkëpunëtorëve se do të arrijmë të kthehemi në normalitet dhe ta ngrisim rejtingun për mbrojtje shëndetësore të pacientëve më të vegjël, sepse ne jemi spital për fëmijë dhe gjithmonë kemi qenë spital me renome, vetëm se kohëve të fundit disa punë dolën jashtë kontrollit, megjithatë duhet kohë, por kam besim në vetvete dhe në ekipin tim se do të jetë gjithçka në rregull”, tha për TV21 doktoresha Boshkovska.
