Afrika e Jugut ka nisur një kërkesë për një çështje gjenocidi kundër Izraelit në Gjykatën Ndërkombëtare të Drejtësisë.
Është gjykata e Kombeve të Bashkuara për zgjidhjen e konflikteve ndërmjet shteteve, raporton Sky News, përcjell portali rtv21.tv.
Kombi afrikan përmendi shkelje të Konventës së Gjenocidit në lidhje me sulmet izraelite ndaj palestinezëve në Rripin e Gazës, tha gjykata në një deklaratë.
Kërkesa gjyqësore është e fundit në një seri lëvizjesh nga Afrika e Jugut kundër Izraelit – që përfshinte votimin për mbylljen e ambasadës izraelite në Pretoria dhe pezullimin e të gjitha marrëdhënieve diplomatike deri në arritjen e një armëpushimi në Gaza.
Reagimi i Izraelit
Izraeli i është përgjigjur kërkesës – duke i quajtur pretendimet brenda tij si “të pabaza” dhe “shpifje “
Gjithashtu pretendoi se Afrika e Jugut po “bashkëpunonte” me një “grup terrorist [Hamasin] që bën thirrje për shkatërrimin e Izraelit”.
Izraeli, në përgjigjen e tij, përsëri këmbënguli se lufta e tij ishte kundër Hamasit dhe jo popullit të Gazës.
“Izraeli hedh poshtë me neveri shpifjen e gjakut të përhapur nga Afrika e Jugut dhe aplikimin e saj në Gjykatën Ndërkombëtare të Drejtësisë (ICJ)”, thuhet në një deklaratë.
“Pretendimit të Afrikës së Jugut i mungon një bazë faktike dhe ligjore dhe përbën një shfrytëzim të neveritshëm dhe përçmues të Gjykatës.”
