Ish-kryetari i Koçanit, Ratko Dimitrovski, i akuzuar në rastin “Puls”, para gjykatës deklaroi se është i befasuar dhe se, siç tha, “kurrë, por kurrë” nuk kishte mundur të imagjinonte se do të gjendej në bankën e të akuzuarve për ngjarje të cilat kanë ndodhur 13 vite më parë.
Dimitrovski pretendon se akuzat kundër tij janë një trillim i padrejtë, i dëmshëm edhe për familjet që humbën të afërmit. Ai kërkoi, siç tha, drejtësi të vërtetë, drejtësi që nuk ndjek të pafajshmit.
“Nuk ekzistojnë të akuzuar zëvendësues”, tha ai, duke paralajmëruar se opinioni nuk do të jetë i kënaqur nëse lihet jashtë ndëshkimi qoftë një person që me të vërtetë duhet të përgjigjet.
Dimitrovski deklaroi se kjo akuzë është “një përgjegjësi e trilluar për të mashtruar opinionin publik” dhe kujtoi se që në vitin 2012 komuna kishte njoftuar pronarin se parkimi nuk ishte i lejuar në parcelat në fjalë./TV21/
