Rajoni i Pellagonisë
Manastir, Mogillë dhe Novaci: Në zonat ku kishte dalë nga shtrati lumi, uji po tërhiqet gradualisht nga sipërfaqet e përmbytura. Niveli i lumit Crna pranë fshatit Novaci në orën 18:00 ishte 320 cm.
Demir Hisar: Për shkak të dëmtimit të urës mbi lumin Boishka, rruga lokale drejt fshatit Mrenoga është e mbyllur për qarkullim. Lumenjtë janë kthyer në shtratin e tyre, përveç lumit Crna në zonën e fshatrave Zhvan dhe Edinakoci, ku ende ka përmbytje dhe janë të përmbytura sipërfaqe të mëdha bujqësore.
Resnjë: Si pasojë e reshjeve të rrëmbyeshme, janë përmbytur sipërfaqe bujqësore, por uji po tërhiqet gradualisht. Gjatë ditës është intervenuar me një makineri ndërtimore për pastrimin e shtratit të lumit Golema.
Rajoni Jugperëndimor
Ohër: Në lumin Sushica është ndërtuar një digë mbrojtëse me eskavator, me ç’rast është parandaluar dalja e mëtejshme e ujit. Megjithatë, në Ohër ende ka bodrume dhe oborre të përmbytura në disa lokacione.
Strugë – fshati Misleshevë: Janë përmbytur oborre dhe sipërfaqe bujqësore. Procesi i sanimit është i vështirësuar për shkak të pamundësisë për hapjen e një kanali për rrjedhjen e ujit.
Strugë – fshati Kalishtë: Ka oborre dhe bodrume të përmbytura dhe po merren masa shtesë për sanim dhe mbrojtje të popullatës.
Dibër: Lumi Radika ka nivel të rritur, por për momentin nuk ka rrezik nga dalja nga shtrati. Rrugët janë të kalueshme, me rrëshqitje të vogla në segmentet Zhirovnicë – Dibër dhe Dibër – Strugë, të cilat pastrohen rregullisht.
Rajoni Perëndimor
Kërçovë: Nivelet e lumit Zajaska dhe lumit Treska janë ulur dhe nuk ka rrezik nga përmbytje të reja. Po vazhdon pastrimi i shtëpive të përmbytura, dezinfektimi i objekteve dhe krijimi i kushteve minimale për qëndrim. Personat e evakuuar janë të strehuar në sallën sportive “Hristo Uzunov”, ku u ofrohet kujdesi i nevojshëm.
Rajoni i Vardarit
Kavadar: Në zonat kodrinore-malore është intervenuar me mekanizim në rrugët Kavadar – Mushov Grob – Mrezhichko, Mushov Grob – Mihajllovë dhe Stragovo – Gorna Boshavë, ku trashësia e borës arrin deri në 15 cm.
Rajoni Verilindor
Rankovcë: Rruga fshati P’klishte – fshati German është e pakalueshme për shkak të shtresës së borës. Pastrimi është në vazhdim. Rruga nga fshati German drejt P’klishte është e mbuluar me borë të lagësht që vështirëson qarkullimin.
Rajoni i Pollogut
Tetovë: Në rrugën Tetovë – fshati Banjicë,kishte rënë një shkëmb i madh në rrugë. Rruga është pastruar dhe qarkullimi është normalizuar.
Gostivar: Në rrugën drejt Mavrovës, pranë gurores, është evidentuar një rrëshqitje dhe po ndërmerren aktivitete për pastrimin e saj.
