Grupet e Aleancës për Shqiptarët brenda Frontit Evropian nuk gjejnë qetësi. Taravari dhe Sela assesi të pajtohen e të garojnë bashkë në këto zgjedhje lokale. Sipas deputetes së VLEN-it, Saranda Imeri, të dy grupet planifikojnë të sabotojnë njëri-tjetrin atje ku kanë kandidatë. Plani, sipas saj, është që ku garon kandidat i Ziadin Selës, Taravari të nxjerrë kandidat të pavarur dhe anasjelltas.
“VLEN kërkon vlera demokratike dhe zgjedhje të ndershme, ndërsa BDI krijon konfuzion për të përcaktuar kush mund e kush jo të kandidojë. Nuk doni nënshkrime për kandidatët e pavarur, jo për qytetarët, por për pazaret tuaja të brendshme, që klani i Ziadinit të godasë Taravarin dhe anasjelltas.(pa vula)! Në këto zgjedhje nuk garoni me VLEN-in, por mes vetes, kush kujt do t’ia ngulë thikën pas shpine”, thotë Imeri-Stafai.
