Zeqirija Ibrahimi, një nga liderët e VLEN gjatë tubimit të sontëm në Çair tha se po takohemi, jo për lamtumirë, por për të sjell lajmin e mirë, rrini të qetë, të jenë të sigurt, Çairi po mbetet në duar të sigurta, Izet Mexhiti nga e hëna është kryetari i ardhshëm i komunës së Çairit.
Ibrahimi midis tjerash në fjalim tha se secili që udhëton sot nëpër rrugët e Çairit e kupton shumë lehtë se po ndryshon, po asfaltohen rrugët, po ndërtohen shkolla e çerdhe të reja.
“U ndërruan emrat e rrugëve, po hapen bulevarde të reja në Çair, po bëhet sheshi Skënderbe, frekuentohet nga dhjetëra mijëra studentë të 4 universiteteve të vendit tonë. E gjithë kjo nuk e ishte e mundur pa qeverisjen VLEN dhe pa zëvendëskryeministrin e parë Izet Mexhiti”, tha Ibrahimi duke shtuar se jemi këtu për ta vulosur këtë ndryshim të madh.
Ai ka edhe disa fjalë për opozitën dhe kryetarin e BDI-së, Ali Ahmeti, sa herë që shpifin për VLEN.
“Sa herë që ne flasim për projektet dhe realizimet tona ata ofendojnë, shpifin, investojmë miliona në komuna ata e humbin kontrollin. Andaj del pastaj gjyshi Ali dhe shpërthen, shpif, shan e ofendon sepse e ka humbur kontrollin. Nuk mund t’i durojë rezultatet që ka VLEN”, ka thënë Ibrahimi.
