Kryetari i Alternativës dhe njëri prej liderëve të VLEN, Zeqirija Ibrahimi, mori pjesë në emisionin “Hajde flasim” në TV21.
Ibrahimi ka theksuar se nga abuzimet në softver, përfaqësimi i drejtë dhe adekuat ka kaluar në ligj.
“ Së pari herë duhet të vlerësohet fakti që edhe pse përfaqësimi i drejtë dhe adekuat ka qenë njëra nga dispozitat e Marrëveshjes së Ohrit, BDI-ja ka qenë në pushtet 22 vjet dhe nuk e ka bërë. Pse nuk e ka bërë është mirë të përgjigjen ata dhe pse përfaqësimin e drejtë dhe adekuat e kanë reduktuar në një aplikacion të kompjuterit. Në një softver. Kjo çfarë e bëmë ne është që ta ngrejmë nga një gjendje e një aplikacioni që shpesh herë është abuzuar me të, që të bëhet dispozitë ligjore. Dhe ne në këtë mënyrë edhe e kemi përmbushur një pikë të rëndësishme të Marrëveshjes së Ohrit , edhe çështjen e përfaqësimit të drejtë dhe adekuat nuk e lëmë çështje të softverit, por e bëmë dispozitë ligjore. Tash a është ky ligj më i mirë, a mund të plotësohet ky ligj më mirë do e shohim. Ne e kemi shumë me rëndësi që është ngrit përfaqësimi i drejtë dhe adekuat është bërë ligj. Kur ky ligj të kaloj, të filloj zbatimi i tij, do e shohim pastaj se me çfarë mund të korrigjohet edhe të përmirësohet. Por, ama, nga gjendja në të cilën kemi qenë deri në vitin 2024 ne kemi bërë një kapërcim shumë të madh. Nuk ka kthim mbrapa në këtë çështje. Nuk është e mundur më dikush të abuzojë aty në softver. Ne e kemi bërë ligj këtë punë. Dhe tash kur të bëhet ligj, kjo punë e obligon çdo qeveri dhe çdo pushtet që ta zbatoje ligjin për përfaqësim të drejtë dhe adekuat. Duhet ligji të miratohet, të fillojë zbatimi i tij, e pastaj flasim a është ligj i mirë, a i ka plotësuar të gjitha pritjet apo jo ”, deklaroi Ibrahimi.
