Kryetari i Alternativës dhe njëri prej liderëve të VLEN, Zeqirija
Ibrahimi, ka marr pjesë në tubimin qëndror të Koalicionit VLEN për
zgjedhjet lokale të 19 tetorit për Komunën e Çairit.
Me këtë rast, Ibrahimi ka nënvizuar se Gjyshi Ali shanë e ofendon, sepse
nuk mund t’i duroje rezultatet e VLEN-it.
“ Sa herë që ne flasim ata shajnë. Sa herë që ne flasim për përfaqësimin
e drejtë ata shpifin. Sa herë që ne flasim për medresenë ata ofendojnë.
Sa herë që ne flasim për investime milionëshe në komuna, ata e humbin
kontrollin. Andaj del pastaj gjyshi Ali dhe shpif, shan e ofendon për
shkak se e ka humb kontrollin. Ai nuk mund t’i duroj rezultatet që i ka
VLEN-i. Ata nuk janë të zemëruar me fjalët tona, por janë të tërbuar me
rezultatet tona.
Në këto zgjedhje ne kemi edhe një test tjetër. Testin e pjekurisë
politike e qytetare. A do votojmë për Izetin e punëve, apo për Aliun e
sharjeve. A do votojmë për Izet Mexhitin e projekteve apo për Ali
Ahmetin e muhabeteve. A do të votojmë për Izet Mexhitin e sukseseve të
bardha, apo për Ali Ahmetin e listave të zeza. Andaj, po ju ftoj që të
dielen ta shndërrojmë në një festë të demokracisë, e me një shtatshe të
butë t’i japim një goditje AKI-së e BDI-së”, deklaroi Ibrahimi.
