Kryetari i Alternativës dhe njëri prej liderëve të Koalicionit VLEN, Zeqirija Ibrahimi, gjatë ditës së sotme ka bërë homazhe te varrezat e dëshmorëve të Masakrës së Lubotenit.
Me këtë rast, Ibrahimi, ka nënvizuar se 12 gushti i vitit 2001 është data e dhimbjes shqiptare dhe se këto masakra mos u përsëritshin kurrë.
“Sot bëmë homazhe te varrezat e dëshmorëve, duke përkujtuar ngjarjen tragjike të 12 gushtit të vitit 2001 kur ndodhi Masakra e Lubotenit.
12 gushti i vitit 2001 është data e dhimbjes shqiptare! Humbi jeta e 10 civilëve të Lubotenit në mesin e tyre edhe një fëmijë gjashtëvjeçar.
Sot lexuam një fatiha për shpirtin e dëshmorëve, duke e lutur Zotin që ngjarje të këtilla të dhimbshme të mos përsëriten kurrë.
Lavdi jetës dhe veprës së dëshmorëve të Lubotenit”, deklaroi Ibrahimi.
