Shkëndija dhe Drita kanë shkruar historinë në Conference League, duke u kualifikuar nga faza e ligës.
Kuqezinjtë nga Tetovës u mposhtën 1-0 në sfidën e luajtur në Qipro kundër AEK Larnaca. Kampionët e Maqedonisë së Veriut u detyruan të luanin me 10 lojtarë pas daljes me të kuq të Latifit në minutën e 53’ dhe në minutën e 83’, Angielski shënoi për vendasit. Gjithsesi, ky rezultat e renditi Shkëndijën në vendin e 23-të, që e kualifikon më tej për në fazën play off.
Një disfatë mori edhe Drita. Kampionët e Kosovës u mundën 3-0 në transfertë nga Rayo Vallecano, por sërish, nuk ndikoi te kampionët e Kosovës, të cilët e mbyllën në vendin e 21-të dhe njësoj si Shkëndija, do të luajnë në fazën play off.
Kjo është një mbrëmje historike për futbollin shqiptar, me të dyja klubet që vijojnë të bëjnë krenarë shqiptarët, duke avancuar akoma dhe më shumë në futbollin europian.
