Zëvendësministri i Bujqësisë, Pylltarisë dhe Ekonomisë së Ujërave, Albrim Hoxha, sot ndoqi nga afër fillimin e punimeve për pastrimin e kanaleve të ujitjes në disa lokalitete të rajonit, duke nisur nga fshati Debresh i Gostivarit.
Këto aktivitete kanë për qëllim përmirësimin e furnizimit me ujë për nevojat bujqësore dhe përfshijnë pastrimin e kanaleve të ujitjes në këto zona: Debresh– 1040 metra; Forinë – gjithsej 1765 metra; Çegran – 630 metra; Banjicë – gjithsej 1590 metra dhe Turçan i Vogël – 530 metra
Punimet realizohen nga SHA “Ekonomia e Ujërave” si pjesë e iniciativës së Ministrisë së Bujqësisë, Pylltarisë dhe Ekonomisë së Ujërave për përmirësimin e infrastrukturës së ujitjes në këtë rajon, duke siguruar kushte më të mira për fermerët dhe rritje të efikasitetit të ujitjes.
Zëvendësministri Hoxha me këtë rast theksoi se pastrimi i kanaleve ka rëndësi të veçantë për fermerët e rajonit të Vrapçishtit dhe Gostivarit, pasi siguron rrjedhje më të mirë të ujit, rrit efikasitetin e ujitjes dhe kontribuon drejtpërdrejt në rritjen e prodhimit bujqësor.
Ai mes tjerash shtoi se kjo ndërhyrje është një nga kërkesat e kamotshme të fermerëve dhe komunitetit lokal e cila tashmë po merr zgjidhje konkrete në terren.
https://www.facebook.com/share/v/18JgwUjpLR/
