Historike në NBA, skuadra mitike e basketbollit amerikan shitet. Skuadrat qe janë pjesë e këtij kampionati votuan në mënyrë unanime për realizimin e procesit të shitjes së shumicës së aksioneve te Mark Walker, Shefi Ekzekutiv i TWG Global.
Familja Buss që e ka në pronësi Los Angeles Lakers që nga viti 1979, heq kështu dorë nga skuadra për të cilën kanë dhënë gjithcka me skuadrën kaliforniane që gjatë gjithë kësaj kohe ka mundur të fitojë 11 tituj kampionë te NBA; 5 tituj me Magic Johnson si lider, 3 tituj me Shaquille O’Neill, 2 me dyshen Kobe Bryant-Pau Gasol dhe 1 me LeBron James si yllin e saj.
Detajet e shitjes nuk janë zyrtare, por flitet se shifra e shitjes së skuadrës së Los Angeles Lakers është rreth 10 miliardë dollar ose 9 miliardë euro, shifër që do të përbënte një rekord të ri. ‘Sportico’ e vlerësonte skuadrën e Qytetit të Ëngjëjve me 8 miliardë dollarë, ndërsa Forbes, me 7.1 miliardë. Sipas ‘The Athletic’, shifra e shitjes së skuadrës së famshme të basketbollit mund të jetë akoma më e lartë, 12 miliardë dollar, praktikisht 2 herë më e lartë se shifra e shitjes së Boston Celtics verën e kaluar; dy statistika marramendëse që të lënë pa fryme…
