Qeveria zyrtarizoi marrëveshjen për huamarrje midis Hekurudhave të Maqedonisë – Transport dhe Bankës Evropiane për Rindërtim dhe Zhvillim në vlerë prej 21 milionë eurosh. Me huan do të do të sigurohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Qëllimi i këtij furnizimi është i qartë, të rritet numri i lokomotivave të disponueshme, të rritet kapaciteti për transport të mallrave dhe me këtë të rriten të ardhurat dhe stabiliteti financiar i Ndërmarrjes së Hekurudhave dhe Transportit, theksoi Mickoski.
“Hekurudhat duhet sërish të bëhet motori i eksportit dhe logjistikës, e jo grykë e ngushtë e ekonomisë. Veçanërisht i rëndësishëm është aspekti ekologjik me fokusin në lokomotivat elektrike që të ecim drejt transmetimit zero të materieve ndotëse. Ky është një kontribut direkt në betejën kundër ndotjes së ajrit në mbrojtjen e ambientit dhe zhvillimin e transportit të pastër, modern dhe të qëndrueshëm. Në kushtet e tranzicionit energjetik, transporti hekurudhor bëhet faktor kyç për një sistem të qëndrueshëm dhe konkurrues.”, – deklaroi kryeministri, Hristijan Mickoski.
Sipas ministrit të Transportit, Aleksandar Nikolloski, nënshkrimi i Marrëveshjes është një hap kyç për transformimin e plotë të transportit hekurudhor, që do t’u përgjigjet nevojave të klientëve të saj.
“Arritëm që të vëmë në funksion pesë lokomotiva gjatë vitit të kaluar. Sot kemi mbi njëmbëdhjetë lokomotiva funksionale, me çka plotësisht po ndryshohet fotografia e transportit. Në këtë drejtim, gjithashtu bëhet edhe rritja e transportit kargo. Këto pesë lokomotiva elektrike, plotësisht do ta ndryshojnë fotografinë, duke pasur parasysh se këto njëmbëdhjetë që i kemi tani, katër janë më të reja, të tjerat janë më të vjetra. Por, me lokomotivat e reja do të jemi në shërbim të transportit kargo dhe një pjesë të shfrytëzohen në trafikun për udhëtarë.”, – theksoi ministri i Transportit dhe Lidhjeve, Aleksandar Nikollovski.
Ministrja Dimitrieska Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
Kushtet, nën të cilat u siguruan mjetet, janë që huaja të shlyhet në një periudhë afatgjate, duke pasur një periudhë të favorshme grejs dhe një normë interesi konkurruese; janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
