Organizata e Hamasit njoftoi sot se kishte humbur kontaktin me dy pengje, Matan Angrest dhe Omri Miran, gjatë operacioneve ushtarake izraelite në dy lagje të Qytetit të Gazës.
Në një deklaratë, Brigadat al-Qassam thanë se i kishin kërkuar Izraelit të ndalonte sulmet ajrore për 24 orë, duke filluar nga ora 6 pasdite, në një pjesë të Qytetit të Gazës me qëllim largimin e të gjithë pengjeve nga rreziku.
Ofensiva izraelite në “Gaza City” ka disa javë që ka filluar pas aprovimit nga kabineti qeveritar i Netanyahut. Ushtria izraelite kërkon të marrë nën kontroll të gjithë qytetin pasi sipas tyre, ky qytet është fortesa e fundit e Hamasit.
