Sipas mediave vendase, një billbord në qendër të qytetit Valeva, në perëndim të Serbisë është hakuar.

Aty është shfaqur shqiponja dykrenare me plis në kokë e cila ka “kapur për fyti” një shqiponjë që ka në prapavijë flamurin e Serbisë.  https://www.instagram.com/p/DBTMq1sMdhd/?utm_source=ig_embed&ig_rid=7b2be014-86ab-4043-ba5a-fe50e15501df&ig_mid=D386AAAF-B2D7-4AEF-9353-EEEE4EDC7DDA

“Në qendër të qytetit është shfaqur ky billboard. Besohet se është hakuar dhe konsiderohet si një provokim”, thuhej në postim.

Ndërkohë një person, i cili pretendon se është pronari i billbordit ka komentuar në postim dhe thotë se rasti do të raportohet në organet kompetente.

“Unë jam pronari i billbordit që është hakuar mbrëmë, sapo e kam marrë vesh e kam hequr, dhe rasti do të raportohet në organet kompetente”, tha ai në postim.