Grupi legjendar Rolling Stones ka anuluar një turne të planifikuar në stadiume për vitin 2026 në Mbretërinë e Bashkuar dhe Evropë.
Lajmi erdhi pas raportimeve në media se kitaristi Keith Richards nuk ishte në gjendje të “angazhohej” në një përpjekje të tillë, dhe informacioni u konfirmua nga një burim pranë grupit, transmeton Indeksonline.
Edhe pse turneu nuk u njoftua kurrë zyrtarisht, tastieristi i grupit, Chuck Leavell, tha së fundmi se një album i ri është drejt përfundimit dhe se janë planifikuar datat evropiane.
Megjithatë, Richards, i cili mbush 82 vjeç të enjten, duket se nuk është në gjendje t’i përkushtohet përpjekjes disamujore që kërkon një turne i madh. Performancat e tij në vitet e fundit kanë zbuluar problemet e tij me artritin, të cilin ai e ka përshkruar si “të mirë”, por ka pranuar se e ka detyruar të ndryshojë stilin e tij të të luajturit.
