Një gjykatë ka urdhëruar dy gra që t’i paguajnë 8 mijë euro dëmshpërblim zonjës së parë të Francës, Brigitte Macron, pasi bëri pretendime të rreme se ajo ishte transgjinore, duke ndezur thashethemet në internet nga teoricienët e konspiracionit dhe e djathta ekstreme.
Gratë kishin postuar një video në YouTube në dhjetor 2021 duke pretenduar se gruaja e presidentit francez, Emmanuel Macron kishte qenë dikur një burrë i quajtur Jean-Michel, një e pavërtetë që u bë virale vetëm disa javë para zgjedhjeve presidenciale të 2022 dhe bëri që Macron të paraqiste një ankesë për shpifje, raporton The Guardian.
Postimet e përhapura në mediat sociale pretendonin se zonja e parë, dikur Brigitte Trogneux, nuk kishte ekzistuar kurrë dhe se vëllai i saj Jean-Michel kishte ndryshuar gjininë dhe kishte marrë atë identitet.
