Bayer Leverkusen është finaliste e Europa League për sezonin 2023/24.
Kampioni i Gjermanisë, me lider futbollistin kosovar, Granit Xhakën, eliminoi Romën në gjysmëfinale, me rezultat të përgjithshëm 4-2, shkruan IndeksOnline.
Në ndeshjen e sotme në ”Bay Arena”, rezultati përfundimtar ishte 2-2, edhe pse Roma kishte epërsinë prej dy golave.
Leandro Paredes shënoi dy herë nga penalltia, në minutat 43′ dhe 66′.
Leverkusen u rikthye në lojë nga një autogol i Mancinit në minutën e 83-të, para se Stanisic të barazonte shifrat në 90+7.
Në finale, Bayer Leverkusen do të luaj ndaj Atalantas, e cila eliminoi Marseille.
