Kryeministri i Kosovës, Albin Kurti është ftuar nga Gjykata Themelore në Prishtinë që të intervistohet në cilësinë e dëshmitarit, lidhur me skandalin e Rezervës Shtetërore.
Zëdhënësja e Gjykatës, Mirlinda Gashi, konfirmoi se Kurti është ftuar për të dëshmuar më 4 mars të këtij viti me fillim nga ora 10:00.
“Gjykata Themelore në Prishtinë – Departamenti Special, me kërkesë të Prokurorisë Speciale të Republikës së Kosovës, ka lëshuar urdhrin e datës 21.02.2025 me të cilin ka obliguar dëshmitarin A.K., që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës”, thuhet në përgjigjen e Gjykatës.
