Në një mbrëmje të veçantë kulturore në kryeqytetin shqiptar të Maqedonisë së Veriut, tenori me famë botërore Ramë Lahaj surprizoi Zëvendës Kryeministrin e vendit, Izet Mexhiti, me një dhuratë simbolike e të rrallë. Ai i dhuroi një filigran artistik me hartën e Kosovës, të cilin e hoqi personalisht nga sakoja e tij, duke e kthyer momentin në një gjest të mbushur me emocion e respekt.
“I nderuari të nderon. Sonte, në Shkupin e bukur, e rikuptova këtë thënie të moçme e të mençur shqiptare. Ramë Lahaj më nderoi me një dhuratë të veçantë e kuptimplote. Ishte një moment i rrallë, që do ta mbaj gjithmonë në mendje,” – u shpreh Zëvendës Kryeministri Izet Mexhiti, i emocionuar nga gjesti i tenor-it.
Ky akt simbolik u përjetua si një mesazh i fortë miqësie dhe lidhjeje shpirtërore mes personaliteteve të shquara të kulturës dhe politikës shqiptare, duke lënë gjurmë të veçanta në mbrëmjen e Shkupit.
