Kancelari gjerman Friedrich Merz tha të dielën se vendi i tij nuk ka plane për të njohur një shtet të pavarur palestinez “në të ardhmen e parashikueshme”.
Merz në një konferencë shtypi me kryeministrin izraelit Benjamin Netanyahu në Jerusalem, tha se Qeveria federale gjermane mbetet e mendimit se njohja e një shteti palestinez duhet të vijë në fund – jo në fillim – të një procesi të tillë (negociatave për paqe).
“Ajo që ka rëndësi tani është zbatimi i këtij plani paqeje hap pas hapi, dhe askush prej nesh nuk e di sot se cili do të jetë rezultati. Për shkak se ky është rasti, qeveria federale, ndryshe nga shtetet e tjera evropiane, është përmbajtur nga njohja e një shteti palestinez në këtë fazë të hershme. Ne nuk do ta bëjmë këtë as në të ardhmen e parashikueshme”, tha Merz duke shtuar se një zgjidhje me dy shtete mund të arrihet vetëm përmes negociatave.
Merz tha se ata po punonin “drejt qëllimit të një Lindjeje të Mesme të re” në të cilën do të njihej edhe shteti i Izraelit.
“Jemi të bindur se krijimi i mundshëm i një shteti palestinez përkrah Izraelit ndoshta ofron perspektivën më të mirë për këtë të ardhme”, shtoi ai.
Qeveria gjermane është përballur me kritika në rritje publike për mbështetjen e saj të pakushtëzuar për Izraelin, raporton Anadollu.
