Kryetari i Qytetit të Shkupit, Orce Gjeorgjievski, pasi mori mandatin e të parit të kryeqytetit, ka dalë në terren dhe ka njoftuar se që sonte nis pastrimi i mbeturinave, njofton TV21
Njoftoi edhe largimin e laurave, me çka tha se qyteti tashmë është i hapur për të gjithë.
Për pastrim janë angazhuar mbi 100 automjete dhe mbi 800 persona operativë.
“Dua të ju njoftoj se janë larguar laurat dhe qyteti është hapur për të gjithë qytetarët, përfshirë edhe mediat. Paralajmëruam se do të fillojmë me aksion masiv për pastrimin e kryeqytetit dhe siç mund ta vëreni në vendin ku ndodhemi sot, në parkingun para sallës së sportit “Boris Trajkovski”, ka mbi 100 vetura operative që në 72 orët e ardhshme ta pastrojmë ashtu siç e meriton kryeqyteti ynë, të jetë i pastër. Në mënyrë shtesë, ka edhe 800 individë të cilët janë të përfshirë”, tha Gjeorgjievski.
I pari i kryeqytetit ka njoftuar gjithashtu se deri tani janë larguar nga puna 371 individë, për siç tha, ose nuk kanë shkuar në punë dhe kanë marrë pagë ose kanë keqpërdorur vendin e punës.
Gjeorgjievski shtoi gjithashtu se ka edhe dyshime serioze edhe për keqpërdorim të ligjit në pjesën e automjeteve, ku persona fizik kanë keqpërdorur nga 5 deri në 10 mijë euro mjete të qytetarëve.
“Deri tani, janë larguar nga puna nga ndërmarrjet publike gjithsej 371 individë, të cilët ose nuk kanë shkuar në punë, kurse kanë marrë pagë ose sërish kanë kryer keqpërdorim të vendit të tyre të punës, kurse gjithë këtë e kanë paguar qytetarët. Këto aktivitete dhe kontrolle do të vazhdojnë edhe gjatë ditëve në vijim. Për të gjithë këtë do të informoheni. Në mënyrë shtesë ka një informacion që ka arritur sot te unë, e kompletuar me dokumente kurse ftoj që sonte që institucionet kompetente të veprojnë, dhe ajo është se kanë qenë të angazhuar automjete gjatë periudhës paraprake për pastrim në Higjienën Komunale dhe të njëjtat vetura janë paguar në emër të personave fizik të cilët kanë marrë shërbime intelektuale në vlerë prej 5 deri në 10 mijë euro. Ftoj të përfshihen institucionet përgjegjëse dhe kompetente për këtë dhe ta hetojnë punën. Unë paralajmërova se do të ketë përgjegjësi dhe revizion dhe ja, që sonte, praktikisht, ju informoj edhe ju se tashmë kemi dyshime serioze për shkeljen e ligjeve, veçanërisht
